Hen Toroy Manggayyém
(Tekla Fangonon)
Ah Lihchég ano, inligwatna way i mangagit. Chan wangwawangwang ano yag inumchah ad Pengaw. Inchahana ano ah Ginga. Ekat ano Gingaén, ‘Nokay hen ayam Lihchég?’ ‘Éméya mangagit’ way ekat ano Lihchég. ‘Ay laychém ta éméyta?’ ‘Okay’ way ekat ano Ginga. Yachi yag nantonodcha way manwangwang. Umchahcha anod Lanah, inchahancha ano ah Aggama way chan cha-acha-ang. Ekat ano Aggamaén, Nokay hen ayanyu Lihchég an Ginga?’ Ekatcha ano way sommongfatén, ‘Éméy-ani mangagit. Ay iaychém way umale?’ ‘Okaỳ’ way ekat ano Aggama. Yachi ano yag nafurugcha way toro. Yachi way chachan wangwawangwang, yag inumchahcha anod Nalagitan. Inchahancha ano tot-owa hen agit. ‘Ayé ta omayatà ta iyà umara.’ way ekat ano eman Aggama. Angkay ommayat ano ah Aggama way nelaphòna hen anchi henlapa, na-ameh ano hiya wat nàchag! Nehànget ano hen aggifayna wat natéy. Manhòhòtab ano ah Lihchég way mankela yag ammag nifurchu hen fégahna wat natéy agé. Émméy ano eman ah Ginga way i mamfêang. Ammag mampawat ano way man-ongaw yag ammag neparattog ano hen fégahna wat natéy agé.
Chichato hen Toroy manggayyém way natéy gapo ta
nantennorongcha.
